ՀԿԵ-ում գործարարներից բացահայտ ատկատ են պահանջում. չհամաձայնողների հետ էլ պայմանագիրը չեղարկում են
«Ռուսական կապիտալով աշխատող «Հարավկովկասյան երկաթուղիներ» ՓԲԸ-ի հետ համագործակցող գործարարները շարունակում են բարձրաձայնել և քրեական գործերով հիմնավորել ընկերության անարդյունավետ և կոռումպացված գործունեությունը Հայաստանում:
«20 տարվա գործունեության վերջին 5 տարին այնպիսի տպավորություն է, որ ընկերությունում ահավոր վիճակ է: Ռեբեց, Դարբինյան ազգանուններով մարդիկ կային, ովքեր եկան Հայաստան, ու դրանով ամեն ինչ սկսվեց: Սկսվեց գործարարների ձեռքից պայմանագրեր վերցնելը, գործարարներից «ատկատներ» պահանջելը: Իսկ ով չէր համաձայնում դրան, նրա պայմանագիրը չեղյալ էր հայտարարվում:
Տենդերով մեր շահած պայմանագիրն իրենք չեղյալ հայտարարեցին ու նոր տենդեր հայտարարեցին միայն նրա համար, որ մենք չէինք համաձայնել «ատկատ» տալ իրենց»,- «Ժամանակ»-ի հետ զրույցում ասաց «Լիոն Փրինթինգ Սերվիս» ՍՊԸ տնօրեն Սամվել Սահակյանը»,-գրում է թերթը:
Comments