ՀԱՓԿ ՊՈԱԿ ուսումնական կենտրոնում իրականացվում են ականների վտանգի իրազեկման դասընթացներ

Էջմիածնի Երվանդ Օտյանի անվան թիվ 7-րդ հիմնական դպրոցի 50 աշակերտ հյուրընկալվեցին «Հումանիտար ականազերծման և փորձագիտական կենտրոն»-ի Էջմիածնում տեղակայված ուսումնական կենտրոն։ Այս մասին Anews.am-ին հայտնեցին «Հումանիտար ականազերծման և փորձագիտական կենտրոն»-ից:

Այստեղ ՀԱՓԿ ՊՈԱԿ ուսումնական կենտրոնի ղեկավար Գրիգոր Բասենցյանը երեխաներին ծանոթացրեց ականների տեսակներին, իսկ ականների վտանգի իրազեկման մասնագետները դպրոցականներին սովորեցրին անվտանգ վարքագծի կանոնները։