Հայկական կողմին է փոխանցվել ևս 15 զինծառայողի աճյուն. Արցախի ԱԻՊԾ
Mar 19, 2021
1 min read
Հայկական կողմին է փոխանցվել եւս 15 զինծառայողի աճյուն: Այս մասին հայտնում է ԱՀ Արտակարգ իրավիճակների պետական ծառայությունը։
«Այսօր ադրբեջանական կողմը Մարտունու շրջանի Կարմիր Շուկա-Շեխեր համայնքների խաչմերուկում հայկական կողմին է փոխանցել Վարանդային (Ֆիզուլի) տարածաշրջանից հայտնաբերված՝ ռազմագործողությունների ընթացքում զոհված եւ մինչ այժմ անհետ կորած համարվող եւս 15 (նախնական տվյալներ) զինծառայողի աճյուն:
Նրանց ինքնությունը պարզ կլինի դատաբժշկական փորձաքննությունից հետո:
2020 թվականի նոյեմբերի 13-ից առ այսօր Արցախի վերահսկողությունից դուրս գտնվող տարածքներից հայտնաբերված կամ Ադրբեջանի կողմից փոխանցված աճյունների ընդհանուր թիվը (նախնական տվյալներ) 1518 է»,- հայտնում է ԱՀ Արտակարգ իրավիճակների պետական ծառայությունը։
Comments