Հայաստանում գիտաշխատողը ստանում երկրում միջին ցուցանիշներից պակաս աշխատավարձ. ԳԱԱ նախագահ
«Հայաստանում գիտաշխատողը ստանում երկրում միջին ցուցանիշներից պակաս աշխատավարձ: Համեմատության համար՝ Ռուսաստանում գիտաշխատողի աշխատավարձը կրկնակի բարձր է երկրում միջին աշխատավարձից, Չինաստանում եւ Հարավային Կորեայում՝ 5-10 անգամ է բարձր»,- այս մասին փետրվարի 1-ին լրագրողների հետ զրույցում ասաց Հայաստանի Գիտությունների ազգային ակադեմիայի նախագահ Ռադիկ Մարտիրոսյանը:
ԳԱԱ նախագահը հիշեցրեց, որ գիտությունն է որոշում անվտանգության հարցերը, եւ պետք է հարց տալ՝ ֆինանսավորման գոյություն ունեցող մակարդակը նպաստո՞ւմ է արդյոք այդ պահանջմունքին
Ինչ վերաբերում է այն տեղեկություններին, որ իշխանությունները կարող են ԳԱԱ-ն վերակազմավորել կամ փակել, ապա Մարտիրոսյանի պարզաբանմամբ՝ խոսքը Գիտությունների ակադեմիայի համակարգի մեջ մտնող ինստիտուտների կարգավիճակի վերաբերյալ օրինագծի մասին է: «Օրինագծում չի հստակեցվում, թե այդ ինստիտուտները ում ղեկավարությամբ են գործելու»,- ամփոփեց ԳԱԱ նախագահը:
Comments