Համլետ Բատիկյանը ՊՆ գլխավոր քարտուղարի պաշտոնակատար է նշանակվել
Dec 8, 2021
1 min read
ՀՀ պաշտպանության նախարարության գլխավոր քարտուղարի ժամանակավոր թափուր պաշտոնը զբաղեցնելու համար Համլետ Գագիկի Բատիկյանի հետ կնքվել է ժամկետային աշխատանքային պայմանագիր: Այս մասին հայտնում են ՀՀ ՊՆ լրատվական ծառայությունից:
Նախօրեին Բատիկյանը փոխվարչապետ Համբարձում Մաթեւոսյանի որոշմամբ ազատվել էր փոխվարչապետի գրասենյակի ղեկավարի պաշտոնից: Նա օգոստոսի 3-ին ազատվել էր Տարածքային կառավարման եւ ենթակառուցվածքների նախարարության գլխավոր քարտուղարի պաշտոնից եւ հաջորդ օրը նշանակվել այդ ժամանակ փոխվարչապետի պաշտոնը զբաղեցնող Սուրեն Պապիկյանի գրասենյակի ղեկավար, որը, ազատվելով նախարարի պաշտոնից, փոխվարչապետ էր նշանակվել: Հիմա արդեն Բատիկյանը տեղափոխվում է Պաշտպանության նախարարություն, որն այժմ Սուրեն Պապիկյանն է ղեկավարում:
Comments