Կրեմլում գնահատել են Անկարայի՝ թուրք զինվորականներին Ադրբեջան ուղարկելու մտադրությունը
ՌԴ նախագահի մամուլի քարտուղար Դմիտրի Պեսկովը պարզաբանել է, որ զինվորականներին Ադրբեջան ուղարկելու Անկարայի մտադրությունը Թուրքիայի ներքին օրենսդրությամբ նախատեսված ընթացակարգերի կատարում է, փոխանցում է РИА Новости- ն:
Ավելի վաղ տեղեկացրել էինք, որ Թուրքիայի նախագահ Ռեջեփ Թայիփ Էրդողանը երկրի խորհրդարան է ուղարկել զինվորականներին Ադրբեջան ուղարկելու մասին օրինագիծ:
«Բանն այն է, որ Ադրբեջանի տարածքում լինելու է մոնիթորինգային կենտրոն, այնտեղ պետք է ուղարկել թուրք զինվորականներին՝ դա Թուրքիայի ներքին օրենսդրությամբ նախատեսված ընթացակարգերի կատարումն է։ Դա Թուրքիայի ներքին գործն է»,-պարզաբանել է Պեսկովը։
Նա նաև նշել է, որ Ադրբեջանի տարածքում մոնիթորինգային կենտրոնի ստեղծումը «Ռուսաստանի և Թուրքիայի երկկողմ պայմանավորվածության արդյունք է»:
Comments