Կորոնավիրուսի ախտանշանները

Կորոնավիրուսը սուր շնչառական վարակի հարուցիչ է: Վարակվելիս նկատվում է օրգանիզմի արտահայտված ինտոքսիկացիա, շնչառական համակարգի խնդիրներ:

ՀՀ առողջապահության նախարարությունը ներկայացնում է, թե ի՞նչ պետք է իմանալ վարակի մասին: Համաձայն Առողջապահության համաշխարհային կազմակերպության՝ վարակը փոխանցվում է օդակաթիլային և կոնտակտային (սերտ շփման) ճանապարհով՝ մարդուց մարդ, իսկ Չինաստանում՝ նաև կենդանիներից մարդուն: Ավելին՝ մրգերի կամ ծանրոցների մակերեսների վրա հարուցիչը չի կարող երկար գոյատևել և հանդիսանալ վարակի տարածման աղբյուր: