ԿԸՀ-ն հրապարակել է ՌԴ Պետդումայի ընտրությունների վերջնական արդյունքները

Ռուսաստանի Կենտրոնական ընտրական հանձնաժողովն այսօրվա նիստում հաստատել է սեպտեմբերի 17-19-ն անցկացված Պետդումայի ընտրության վերջնական արդյունքները: ԿԸՀ բոլոր 15 անդամները ստորագրել են ընտրության արդյունքների վերաբերյալ արձանագրությունները: Ընտրությունների արդյունքներով, ութերորդ գումարման Պետդումայում Պետդումայում «Միասնական Ռուսաստանը» ստացել է 324 մանդատ, «Ռուսաստանի կոմունիստական կուսակցությունը»՝ 57, «Արդար Ռուսաստան-հանուն Ճշմարտության» կուսակցությունը՝ 27, «Լիբերալ-դեմոկրատական» կուսակցությունը՝ 21, իսկ «Նոր մարդիկ» կուսակցությունը՝ 13 մանդատ: