Կանցկացվի զրույց-քննարկում՝ Կոմիտաս վարդապետի Պոլսո շրջանի շուրջ

Գրականագետ, «Անտարես» հրատարակչության գլխավոր խմբագիր Արքմենիկ Նիկողոսյանը կվարի զրույց-քննարկում՝ Կոմիտաս վարդապետի Պոլսո շրջանի շուրջ։ Այն կկայանա սեպտեմբերի 11-ին, ժամը 18:00-ին «Դարան» գրախանութում։ Երաժշտագետ Արմինէ Գրիգորեանն իր հեղինակած «Թերթապատում․ Մամուլի անդրադարձները Կոմիտաս վարդապետի մասին» (խմբագիր` Գուրգեն Գասպարյան) գրքի ուսումնասիրությունից կներկայացնի բացահայտումներ և տեղեկություններ, որոնք նոր հարցադրումներ են առաջացնում Կոմիտասի գործունեության վերաբերյալ։ Այդ հարցադրումների շուրջ քննարկում տեղի կունենա հրավիրված մասնակիցների միջև և հասարակության հետ։

«Թերթապատում․ Մամուլի անդրադարձները Կոմիտաս վարդապետի մասին» գիրքն որն ամփոփում է Կոմիտաս Վարդապետի գործունեության մասին 1910-1911 թթ. արևմտահայ մամուլի (Պոլիս, Իզմիր, Եգիպտոս) 272 անդրադարձները։

Ստեղծագործության մեջ ներառված են 1910-1911թթ․ գործող «Ազատամարտ», «Բիւզանդիոն», «Ժամանակ», «Արևելք», «Հայրենիք», «Մանզումէի Էֆքեար», «Դաշինք», «Լուսաբեր-Արեւ» թերթերում, «Տաճար» շաբաթաթերթում, «Շանթ» և «Ոստան» պար­բե­րա­թերթերում Կոմիտաս Վարդապետի վերաբերյալ տեղ գտած հոդվածներն ու հրա­պա­րա­կումները:

Մամուլի տվյալները կարելի է երկու մասի բաժանել՝ լրատվական և հեղինակային հոդվածներ: Լրատվականն այն մասին է, թե երբ Կոմիտասը ժամանեց այս կամ այն երկիր, երբ մեկնեց, դասախոսությունների մասին ծանուցումներն են, զեկույցներ: