Լեռնային Ղարաբաղի կարգավիճակը կորոշվի ապագայում. Պուտին
Nov 17, 2020
1 min read
Ռուսասատնի նախագահ Վլադիմիր Պուտինը հայտարարել է, որ Լեռնային Ղարաբաղի կարգավիճակը կորոշվի ապագայում, դեռևս պահպանվում է ստատուս-քվոն: Այս մասին հայտնել է TASS լրատվական գործակալությունը:
«Այո՛, այդպիսի խնդիր կա: Լեռնային Ղարաբաղի վերջնական կարգավիճակը կարգավորված չէ, մենք պայմանավորվել ենք, որ կպահպանենք այսօր գոյություն ունեցող ստատուս-քվոն, և այն, ինչ կլինի հետո, պետք է լուծվի ապագայում:
Կարծում եմ, եթե վերականգնվեն հարաբերությունները Հայաստանի և Ադրբեջանի միջև, այդ թվում՝ երկու երկրների ժողովուրդների միջև՝ անգամ կենցաղային մակարդակում, կստեղծվեն պայմաններ Լեռնային Ղարաբաղի կարգավիճակը որոշելու համար»,- ասել է Պուտինը:
Comments