Իշխանությունների կողմից վարչական ռեսուրսների կիրառման կապակցությամբ կդիմեմ իրավապահներին. Զոհրաբյան
ԶԼՄ-ները գրում են մարդկանց կաշառք բաժանելու դեպքերի մասին` հավելելով, որ իրեն անձամբ զանգահարել է Սյունիքի մարզպերատանի աշխատակցուհին եւ հայտնել, որ իրենց ստիպում են գալ հանրահավքաին եւ մարդ բերել իրենց հետ, սակայն մայրաքաղաք հասած քաղաքացիները միացել են ընդդիմության հանրահավաքին: Այս մասին մարտի 2-ին խորհրդարանում լրագրողների հետ զրույցում ասաց «Բարգավաճ Հայաստան» կուսակցության պատգամավոր Նաիրա Զոհրաբյանը:
«Ես շատ ազդանշաններ եմ ստանում այն մասին, որ մարզերից մարդկանց հանրահավաքի են բերել աշխատանքից հեռացման սպառնալիքով: Հրապարակ են բերել դպրոցների տնօրեններին, պետական գերատեսչությունների, տեղական իշխանությունների եւ նույնիսկ հոգեբուժարանների աշխատակիցներին: Մարդկանց փաստացի բերման են ենթարկել` շոու եւ երեկույթ անցկացնելու համար»,- ասաց Զոհրաբյանը:
Պատգամավորը մի դեպք պատմեց, երբ Ստեփանավանում անապահով քաղաքացիներին կոչ են արել կա՛մ փակել նրանց պարտքերը խանութում, կա՛մ միանալ Փաշինյանի հանրահավաքին, որպեսզի հետագայում հնարավոր պարտքով սնունդ վերցնել: «Փաշինյանը, ով իր ողջ կարիերայի ընթացքում բարձրաձայնում էր վարչական ռեսուրսների օգտագործման խնդրի մասին, դիմում է դրան անասելի մասշտաբներով: «Իմ քայլը» դաշինքի խմբակցությունը լքած Սոֆյա Հովսեփյանն ինքն է խոստովանել, որ այժմ համատարած է այն, ինչի դեմ իրենք պայքարում էին»,- եզրափակեց Նաիրա Զոհրաբյանը:
Comments