Իմքայլական պատգամավորները պատրաստ են մանդատները վայր դնել․ Լիլիթ Մակունց
«Իմ քայլը» խմբակցության ղեկավար Լիլիթ Մակունցը այսօր ԱԺ-ում, անդրադառնալով Սասուն Միքայելյանի և Էդմոն Մարուքյանի միջև ծագած կոնֆլիկտին հայտարարեց ,որ մանդատները պատրաստ են վայր դնել նաև իմքայլական պատգամավորներ Արտակ Մանուկյանը և Վահե Ղալումյանը, եթե միաժամանակ մանդատները վայր դնեն ԼՀԿ-ականներ Հրանտ Այվազյանն ու Սարգիս Ալեքսանյանը:
«Սա է մեր դիրքորոշումը, արդարությունը: Սա է քաղաքական հետևանքը, որը պետք է տեղի ունենա, եթե այն մարդիկ, ովքեր խոսում են արժեքներից, դրա կրողն են: Կարծում եմ, որ ԼՀԿ-ն պետք է հանդես գա հայտարարությամբ ու հայտնի իր դիրքորոշումը»:
Հիշեցնենք, որ քիչ առաջ Սասուն Միքայելյանն ԱԺ ամբիոնից Էդմոն Մարուքյանին առաջարկեց երկուսով ցած դնել պատգամավորի մանդատները։ Մասնավորապես նշեց. «Եթե էդքան տղա է ինքը, թող մանդատը դնի, ես էլ եմ դնելու»:
Comments