Թվային միտումները ռազմավարական հաղորդակցությունում
- 13 hours ago
- 2 min read
Հանրային կապերի աշխարհը փոխվել է։ Նախկինում շատերը սահմանափակվում էին մամուլի հաղորդագրություններով ու լրատվամիջոցներում հրապարակումներով, չէ՞ որ լսարանի հետ կապն իրականանում էր միջնորդավորված․ այսօր վերածվել է բազմաշերտ թվային էկոհամակարգի, որի կենտրոնում անհատն է՝ լսարանը, ոչ թե ենթադրությունները, այլ տվյալները, ոչ թե ազդեցությունը, այլ վստահությունը։
Թվային վերափոխումն այլևս ապագայի միտում չէ․ այն մեր իրականությունն է։ Ստորև ներկայացնում եմ այն հիմնական թվային միտումները, որոնք ձևավորում են PR-ի (ռազմավարական հաղորդակցության) ապագան։
1. Տվյալներից ծնված պատմություններ
Սթորիթելինգը միշտ եղել է PR-ի սիրտը։ Բայց այսօր այն ինտուիտիվ չէ, այլև հիմնված է տվյալների վրա։
Սոցիալական լսարանն ուսումնասիրող գործիքները, լսարանի վարքագծի վերլուծությունը, որոնողական տենդենցները և զգացմունքային գնահատումները թույլ են տալիս հասկանալ ոչ միայն ինչի մասին են խոսում մարդիկ, այլ նաև՝ ինչու։
Սա նշանակում է․
հարմարեցված հաղորդագրություններ կոնկրետ լսարանների համար,
ճիշտ պահի և ճիշտ հարթակի ընտրություն,
իրական ազդեցության չափելիություն։
Ռազմավարական հաղորդակցությունը դարձել է գիտակցված որոշումների արվեստ։
2. Ներգրավման նոր լեզուն
Ստատիկ բովանդակությունը մեռնում է։ Թվային դարաշրջանի լսարանը ուզում է մասնակցել, արձագանքել, ապրել։
Դրա համար են աճում․
ուղիղ եթերները,
կարճ տեսանյութերը,
վիրտուալ միջոցառումները,
ինտերակտիվ պատմությունները։
Այս ձևաչափերը ոչ միայն բարձրացնում են ներգրավվածությունը, այլև ստեղծում են բաց հաղորդակցության մշակույթ։ Վստահությունն այսօր չի կառուցվում միայն խոսքերով։ Այն ծնվում է երկխոսությունից։
3. Արհեստական բանականությունը՝ գործընկեր
AI-ն այլևս ապագայում չէ, այլ այսօրվա իրականությունն է։
Այն օգնում է վերլուծել հանրային տրամադրությունները, կանխատեսել մեդիա միտումները, գնահատել արշավների արդյունավետությունը, ընտրել բովանդակության օպտիմալ տարածման պահը։
Բայց մի բան պետք է հստակ լինի՝ AI-ը գործիք է, ոչ թե որոշում կայացնող։ Այն ուժեղացնում է ռազմավարական հաղորդակցության մասնագետին, բայց չի փոխարինում նրան։ Մարդկային մտածողությունը, էթիկայի զգացողությունը և արժեքների ըմբռնումը մնում են անփոխարինելի։
4. Համբավը՝ որպես շարունակական գործընթաց
Այսօր ձեր հեղինակությունը ձևավորվում է միաժամանակ տասնյակ հարթակներում՝ LinkedIn-ում, Instagram-ում, լրատվական կայքերում և այլ հարթակներում։
Ռազմավարական հաղորդակցությունը պահանջում է՝
միասնական ուղերձ,
հարթակներին հարմարեցված տոն,
շարունակական ներկայություն։
Համբավի կառավարումն այլևս ճգնաժամային արձագանք չէ․ մշտական հաղորդակցություն է։
5. Արժեքներից դեպի վարքագիծ
Լսարանն այսօր ավելի խիստ է։ Մարդիկ ընտրում են այն բրենդներին և կազմակերպություններին, որոնց գործողությունները համընկնում են հայտարարած արժեքների հետ։
PR-ը վերածվում է ոչ թե ազդեցության, այլ պատասխանատվության գործիքի։
Վստահությունը չի ստեղծվում հաղորդագրություններով։ Այն կառուցվում է ամենօրյա վարքագծով։
6. Թվայինը և ավանդականը՝ որպես մեկ համակարգ
Թվային PR-ը չի կարող գործել մեկուսացած։ Այն պետք է ինտեգրված լինի մեդիա հարաբերությունների, հանրային միջոցառումների, կրթական ծրագրերի և այլ ռազմավարական գործիքների հետ։
Ռազմավարական հաղորդակցությունը պետք է լինի ամբողջական համակարգ, ոչ թե փոխարինելի գործիքների հավաքածու։
7. Չափումներն ավելի խորն են, քան «լայքերը»
Կարևոր չեն միայն դիտումները և հավանումները։ Կարևոր են․
վստահության մակարդակը,
ընկալումների փոփոխությունը,
բրենդի հեղինակությունը,
հաղորդագրության իրական ներթափանցումը։
PR-ը պետք է գնահատվի ազդեցությամբ, ոչ միայն թվերով։
Փոխվել են ոչ միայն գործիքները․․․
Թվային միտումները փոխում են ոչ միայն մեր օգտագործած գործիքները, այլև հաղորդակցության էությունը։ Ռազմավարական հաղորդակցությունն այսօր ուժ է՝ ձևավորում է վստահություն, երկարաժամկետ ազդեցություն և վերածում հաղորդակցությունն իրական արժեքի։
Ռազմավարական հաղորդակցության մասնագետը մեսիջը փոխանցողը չէ․ նա ռազմավար է, վերլուծաբան և արժեքների կրող։
Մեր խնդիրն է՝ դարձնել հաղորդակցությունը ոչ թե աղմուկ, այլ իմաստ։
Հեղինակ՝ Արման Գրիգորյան
Comments