Էդմոն Մարուքյանը կոչ արեց առցանց ցույց անել

ԱԺ «ԼՀԿ» խմբակցության ղեկավար Էդմոն Մարուքյանը քիչ առաջ ֆեյսբուքյան ուղիղ եթերում անդրադարձավ Հայաստանում անշարժ գույքի հարկման համակարգի՝ մասնավորապես գույքահարկի դրույքաչափի փոփոխություններին: Նա փաստեց, որ բազմաթիվ մարդիկ, ովքեր նախկինում գույքահարկ չեն վճարել, այժմ ստիպված կլինեն վճարել այն: Մարուքյանը քաղաքացիներին առաջարկեց օնլայն ցույց իրականացնել՝ բողոքելով այս փոփոխություններից: «Իշխանությունները ճգնաժամի դեմ պայքարը թողած՝ զգալի հարկային բեռ են ավելացնում քաղաքացիների վրա»,- դժգոհեց ընդդիմադիր պատգամավորը։