Մոսկվան սպասում է սահմանազատման հարցերի վերաբերյալ Բաքվի և Երևանի արձագանքին. Զախարովա
Մոսկվան սպասում է սահմանազատման հարցերի վերաբերյալ Բաքվի և Երևանի արձագանքին։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան․ գրում է Ռիա Նովոստին։ «Մենք ուշադիր հետևում ենք Հայաստանի և Ադրբեջանի միջև սահմանի առանձին հատվածներում ստեղծված իրավիճակին: Իրավիճակի զարգացումը հերթական անգամ հաստատում է հայ-ադրբեջանական սահմանի սահմանազատման գործընթացի շուտափույթ մեկնարկի անհրաժեշտությունը՝ ամբողջ երկայնքով սահմանագծման հեռանկարով»,- ասել է Զախարովան։ Նա հիշեցրել է, որ այս հարցում ռուսական առաջարկները ներկայացվել են թե՛ Բաքվին, և թե՛ Երևանին: «Մենք արագ արձագանք ենք ակնկալում՝ հետագա ընթացքը ձևավորելու համար»,– ասել է նա:
