Երևանի Ազատության հրապարակում ընդդիմությունը հանրահավաք է հրավիրել
Dec 19, 2020
1 min read
Երեւանի Ազատության հրապարակում ընդդիմությունը հանրահավաք է հրավիրել: Այն կարճ կտեւի, որին կհաջորդի հիշատակի երթը: Այս անգամ հանրահավաքին ու երթին մասնակցում է ԲՀԿ առաջնորդ Գագիկ Ծառուկյանը:
Նշենք, որ Սուրբ Գրիգոր Լուսավորիչ եկեղեցում այսօր մատուցվելու է հոգեհանգստյան կարգ՝ ի հիշատակ մեր բոլոր նահատակների, հերոսների:
Անցնող շաբաթվա ընթացքում ամեն օր ընդդիմությունը «Արժանապատվության երթեր» է կազմակերպել, իսկ երեկ Գարեգին Նժդեհի հրապարակից տեղի է ունեցել ջահերով ու մոմերով երթ դեպի «Եռաբլուր»:
«Հայրենիքի փրկության շարժումը» երեքշաբթի՝ ժամը 12։00-ից սկսած Հայաստանում հայտարարում է գործադուլ, դասադուլ եւ անհնազանդության ակցիաներ։
Comments