Ես հիմա կասեմ՝ դավաճաններն ովքեր են, հող ծախողներն ովքեր են. Արայիկ Հարությունյան
Nov 11, 2020
1 min read
«Ես հիմա կասեմ՝ դավաճաններն ովքեր են, հող ծախողներն ովքեր են»,- ֆեյսբուքյան ուղիղ եթերում հայտարարեց ԱՀ նախագահ Արայիկ Հարությունյանը։
«Առաջին անգամ ահազանգել եմ հոկտեմբերի 3-ին, երբ հակառակորդը գրավելով Մատաղիսը և Թալիշը, արդեն վտանգել էր մեր ամբողջ հյուսիսային հատվածը, երբ առաջնագծում եղած զորքի մի մասը խուճապահար փախչում էր։ Չունեինք մարդկային ռեսուրսներ, որպեսզի կարողանանք գոնե առաջնագծում «Եղնիկներում» մեր տղաների թիկունքը պահել։ Եվ այդ օրն առավոտյան ես կոչ եմ արել և ասել՝ ես գնում եմ առաջնագիծ»,- ասաց Հարությունյանը՝ հավելելով․ «Անընդհատ զգուշացնում էի՝ զորքին թողել եք մենակ։ Աղաչել եմ, պաղատել եմ, որ գնանք առաջնագիծ, ոչ ոք չի լսել»։
Comments