top of page

Դավիթաշենի բաժանմունքի ոստիկանները բացահայտել են գողությունների դեպքեր

  • Anews
  • Feb 26, 2023
  • 1 min read


ree


Հունվարի 15-ին ոստիկանության օպերատիվ կառավարման կենտրոն զանգած քաղաքացին հայտնել էր, որ վերջին երեք օրում մայրաքաղաքի Մելքումովի փողոցի կիսակառույց շինությունից գողացել են շինարարական ապրանք և կենցաղային տեխնիկա: Հաղորդումը փոխանցվել էր ոստիկանության Մաշտոցի բաժնի Դավիթաշենի բաժանմունք, որտեղից էլ օպերատիվ խումբը մեկնել էր դեպքի վայր:

Նախաձեռնվել էր քրեական վարույթ, ձեռնարկվել էին անհրաժեշտ գործողություններ, սակայն հանցագործությունը թարմ հետքերով բացահայտել չէր հաջողվել: Սկսվել էր երկարատև ու հետևողական օպերատիվ աշխատանք, որի արդյունքը պետք է երևար դեպքից մոտ մեկ ամիս անց:

Դավիթաշենի բաժանմունքում ստացած տվյալներն իրացնելով՝ փետրվարի 13-ին ձերբակալվեց և բաժանմունք տեղափոխվեց Արմավիր քաղաքի 23-ամյա մի բնակիչ, որը ներկայացվեց քննչական մարմին։ Հետագա միջոցառումներով պարզվեց, որ նա կատարել էր նմանատիպ ևս չորս գողություն:

Գողոնի մի մասը հայտնաբերվել է: Նախաքննությամբ հանգամանքները պարզվում են:

 
 
 

Comments


bottom of page