Գերմանիան եվրոպական այլ երկրների հետ քննարկում է թալիբների հետ կապ հաստատելու հարցը
Գերմանիան եվրոպական այլ երկրների հետ քննարկում է Աֆղանստանում թալիբների հետ կապ հաստատելու հարցը, սակայն «դիվանագիտական ճանաչման» մասին խոսք չկա:
«Մենք խոսում ենք որոշ երկրների՝ Ֆրանսիայի, Մեծ Բրիտանիայի, Նիդերլանդների, Իտալիայի հետ, թե ինչպես մենք կարող ենք խնդիրների առկայության դեպքում Քաբուլում կամ տարածաշրջանում ունենալ ժամանակավոր կամ ուժեղացված ներկայություն և այնտեղ եվրոպական մակարդակով համագործակցել միմյանց հետ, որպեսզի կարողանանք բանակցություններ վարել թալիբների հետ »,- Մերկելի խոսքը մեջբերել է ՏԱՍՍ-ը:
«Խոսքը պարզապես մարդկանց, դիվանագետների մասին է, որոնք կարող են խոսել թալիբների հետ»,-ասել է կանցլերը: Նա նաև հավելել է, որ թալիբները իրենց առաքելությունը Դոհայից տեղափոխում են Քաբուլ:
Օգոստոսի 28 -ին Մեծ Բրիտանիայի վարչապետ Բորիս Ջոնսոնը և Գերմանիայի կանցլերը քննարկել են «Թալիբան»-ի հետ հարաբերությունների ընդհանուր մոտեցման մշակման հարցը:
Comments