ԲԴԽ նախագահի պարտականությունները կկատարի Սերգեյ Չիչոյանը
Քանի որ ԲԴԽ տարիքով անդամը՝ Ստեփան Միքայելյանը հրաժարվել է կատարել ԲԴԽ նախագահի պարտականությունները, ապա դրանք կկատարի տարիքով մյուս անդամը՝ Սերգեյ Չիչոյանը:
ԲԴԽ տարածած հաղորդագրության մեջ ասվում է. «ՀՀ «Դատական օրենսգիրք» սահմանադրական օրենքի 84-րդ հոդվածի համաձայն՝ այսօր՝ հուլիսի 4-ին, ՀՀ Բարձրագույն դատական խորհրդում տեղի է ունեցել քվեարկություն, որի արդյունքներով Խորհրդի նախագահ չի ընտրվել:
Օրենքով սահմանված կարգով՝ Բարձրագույն խորհրդի նախագահի պարտականությունները կկատարի Խորհրդի տարիքով ավագ անդամը:
Տեղեկացնում ենք, որ Խորհրդի տարիքով ավագ անդամ՝ Ս. Միքայելյանը հրաժարականի դիմում է ներկայացրել ավագության սկզբունքով պարտականությունները կատարելուց:
Խորհրդի որոշմամբ՝ դիմումը բավարարվել է և ԲԴԽ նախագահի պարտականությունները կկատարի տարիքով մյուս ավագ անդամ Սերգեյ Չիչոյանը:
