Բանակը ժողովրդինն է, թող ոչ մեկը չփորձի ժողովրդի հետ խաղի մեջ մտնի. Լյովա Երանոսյան

Գլխավոր շտաբի ներկայացուցիչները միանշանակ տեր կլինեն իրենց խոսքին եւ կկանգնեն ժողովրդի կողքին մինչեւ վերջ. «Իրենք հայ են»: Այս մասին, այսօր՝ փետրվարի 25-ին, Բաղրամյան պողոտայում լրագրողների հետ զրույցում ասաց նախկին փոխոստիկանապետ Լյովա Երանոսյանը:

Դիտարկմանը, որ Նիկոլ Փաշինյանը հայտարարել է, որ թավիշն ավարտվում է, Լեւվա Երանոսյանն ասաց. «Իմ մոտ իր անունը մի տվեք, ես նման մարդ չեմ ճանաչում: Նման մարդու խոսքն իմ մոտ խոսք չի»:

Անդրադառնալով ԱԺ «Իմ քայլը» խմբակցության պատգամավոր Անդրանիկ Քոչարյանի հայտարարությանը, թե շենքեր գրավելու դեպքում իշխանությունը մոնոպոլ իրավունք ունի կրակելու, Երանոսյանն արձագանքեց. «Անդրանիկ Քոչարյանը մեյմուն ա: Թող որեւէ մեկը փորձի զենք ուղղի ժողովրդի կողմը: Թող մեզ զենքով չվախեցնեն, մենք տեսել ենք էդ զենքը: Բանակը ժողովրդինն է, թող ոչ մեկը չփորձի ժողովրդի հետ խաղի մտնի»:

Հիշեցմանը, որ իր դեմ հարուցված քրեական գործ կա, նա նշեց. «Դրա մեղավորն էլ էր մարդա մեկը, տանում էր բախման, դուք լավ գիտեք»:

Ինչ վերաբերում է նրան, որ ինքը եւս ժամանակին բավական կոշտ միջոցների է դիմել քաղաքացիների անհնազանդությունը զսպելու համար, Երանոսյանն ասաց. «ներքին զորքերը երբեւիցե կոշտ միջոցներ չեն ձեռնարկել: Այո, խորենացիում չեմ թողել, որ արյունահեղություն լինի: Ո՞վ տարավ բախման, դուք լավ գիտեք: Ես եմ եղել ղեկավարը Սարի թաղում: Ես ձեզ հորդորում էի, ասում էի՝ գնացոեք էն կողմ: Շնորհիվ մեզ չեղավ արյունահեղություն: Թող այսօր ոչ ոք չփորձի տանի դրան: 2018-ի ապրիլի 16-ին էլ մարդա մեկը տարավ արյունահեղության, բայց ես թույլ չեմ տվել»: