Բայդենը վիրտուալ հանդիպում կանցկացնի Հնդկաստանի վարչապետի հետ
ԱՄՆ նախագահ Ջո Բայդենը վիրտուալ հանդիպում կանցկացնի Հնդկաստանի վարչապետ Նարենդրա Մոդիի հետ, թեեւ Վաշինգտոնը հասկացրել էր, որ ռուսական էներգակիրների՝ Հնդկաստան ներկրման ծավալների ավելացում չի ցանկանում, փոխանցում է Reuters-ը: «Նախագահ Բայդենը կշարունակի սերտ խորհրդակցություններն Ուկրաինայի դեմ Ռուսաստանի դաժան պատերազմի հետեւանքների եւ պարենային ու ապրանքային շուկաների համաշխարհային մատակարարումների վրա դրա ապակայունացնող ազդեցության մեղմացման մասին»,- հայտնել է մամուլի քարտուղար Ջեն Փսակին: ԱՄՆ ազգային անվտանգության հարցերով խորհրդականի՝ միջազգային տնտեսության հարցերով տեղակալ Դալիպ Սինգհը, որը վերջերս այցելել էր Հնդկաստան, հայտարարել է, որ ԱՄՆ-ն Հնդկաստանի համար որեւէ «կարմիր գիծ» չի սահմանի ՌԴ-ից էներգակիրների ներկրման հարցում, սակայն չի ցանկանում գնումների «կտրուկ աճ» տեսնել: Հնդկաստանն առնվազն 13 մլն բարել ռուսական նավթահումք է գնել ուկրաինական ճգնաժամի սկզբից ի վեր:
Comments