Բայդենը հայտարարել է, որ մտադիր է առաջադրվել 2024 թվականի նախագահական ընտրություններում
ԱՄՆ նախագահ Ջո Բայդենը հայտարարել է, որ մտադիր է երկրորդ ժամկետի համար առաջադրվել 2024 թվականին՝ փոխնախագահ Քամալա Հարիսի հետ միասին:
Նա հավելել է, թե ինքը ակնկալում է, որ Հարիսը կրկին կդառնա իր փոխնախագահի թեկնածուն եւ գովել է նրան «գերազանց աշխատանքի համար»: «Նա հիանալի գործընկեր է»,- ասել է Բայդենը:
Լրագրողը նշել է այն փաստը, որ Դոնալդ Թրամփը, լինելով նախագահ, այս ժամանակ արդեն պաշտոնապես 2020թ․ նախընտրական արշավի հայտ էր ներկայացրել: Բայդենը դեռ նման քայլեր չի ձեռնարկել:
«Դա անհրաժեշտ էր իմ նախորդին»,- ծիծաղելով պատասխանել է Բայդենը: «Օհ աստված, ես կարոտում եմ նրան»:
Բայդենն ընդգծել է, թե կարծում է, որ կրկին առաջադրվելու է, բայց վերջնական պարտավորություն չի ստանձնել: «Ես շատ եմ հարգում ճակատագրին՝ ես չեմ կարող հստակ պլանավորել ուղիղ չորսուկես, երեքուկես տարի առաջ»,- ասել է Բայդենը:
Հարցին, թե արդյոք Թրամփը կդառնա Հանրապետական կուսակցության թեկնածուն 2024 թվականին, Բայդենը պատասխանել է, որ գաղափար չունի:
Comments