Բայդենը՝ Բրիտանիայի հանգուցյալ արքայազն Ֆիլիպի մասին

ԱՄՆ նախագահ Ջո Բայդենն Օվալաձեւ գրասենյակում լրագրողների հետ հանդիպման ժամանակ հարգել է Մեծ Բրիտանիայի թագուհու՝ նախորդ օրը մահացած ամուսնու՝ Էդինբուրգի դուքս, արքայազն Ֆիլիպի հիշատակը: «Նա շատ լավ տղա էր»,- ասել է Ջո Բայդենը՝ հիշելով հանգուցյալ արքայազնի քաջությունը Երկրորդ համաշխարհային պատերազմի ժամանակ: «Կարծում եմ, որ նրա կարիքը կզգացվի, հատկապես՝ Միացյալ Թագավորությունում: Իննսունինը տարեկան էր եւ երբեք չդանդաղեցրեց իր գործունեությունը, ինչով ես շատ եմ հիանում»,- ասել է ԱՄՆ նախագահը: