Արայիկ Հարությունյանը հանդիպել է արցախյան մի շարք ՀԿ–ների ներկայացուցիչների հետ
Արցախի Հանրապետության նախագահ Արայիկ Հարությունյանը փետրվարի 5-ին հանդիպել է արցախյան մի շարք հասարակական կազմակերպությունների ներկայացուցիչների հետ։ Այս մասին տեղեկացնում է Արցախի նախագահի աշխատակազմը։
Նախագահ Հարությունյանը ներկայացրել է ստեղծված իրավիճակում կառավարության կողմից ձեռնարկվող քայլերը եւ նախանշված ծրագրերը, որոնք միտված են Արցախի բնակիչների կենսագործունեության համար բարենպաստ պայմաններ ստեղծելուն՝ միաժամանակ կարեւորելով հասարակական կազմակերպությունների դերն այս գործում։
Երկրի ղեկավարն անհրաժեշտ է համարել բազմապատկել եռանդն ու ջանքերը Հայրենիքի առաջ ծառացած դժվարությունները հաղթահարելու համար՝ նշելով, որ ակնկալում է Հանրապետության հասարակական հատվածից նոր գաղափարներ, նախաձեռնողականություն եւ գործուն մասնակցություն պետականաշինության գործընթացում։
Comments