Ավստրալիայի Նոր Հարավային Ուելս նահանգում կա ջրհեղեղի վտանգ. հազարավոր մարդիկ կարող են տարհանվել
Սիդնեյում տարհանման մասին հրամաններ են տրվում խոշոր ջրհեղեղի վտանգի պատճառով. հորդառատ անձրեւները շարունակում են տեղալ Նոր Հարավային Ուելս նահանգում, հաղորդում է BBC-ն:
Նահանգի իշխանությունները կոչ են անում բոլոր բնակիչներին, որոնք բնակվում են ոչ բարձրադիր գոտիներում, հեռանալ իրենց տներից:
Կիրակի ճեպազրույցի ընթացքում Նոր Հարավային Ուելս նահանգի վարչապետ Գլեդիս Բերեջիկլյանը նախազգուշացրել է, որ նահանգի Հյուսիսային ափում տեղի է ունենում երեւույթ, որը դիտարկվում է 100 տարի մեկ անգամ»:
Ավելի վաղ Սիդնեյի ջրամատակարարման գլխավոր աղբյուրը երկար տարիների ընթացքում առաջին անգամ ամբողջովին լցվել էր:
Տասնյակ մարդիկ փրկվել էին Նոր Հարավային Ուելսում ջհրեղեղներից, իսկ պաշտնոնական անձինք նախազգուշացրել են կյանքին սպառնացող հորդառատ անձրեւների մասին:
Այդ շրջանում հիմնական ճանապարհները փակ են:
Բերեջիկլյանը նախազգուշացրել է Սիդնեյում եւս հազարավոր մարդկանց տարհանելու մասին:
Հարյուրավոր մարդիկ արդեն հավաքվել են արտակարգ տարհանման կենտրոններում, որոնք ստեղծվել են նահանգի ամբողջ տարածքում:
Միեւնույն ժամանակ արտակարգ իրավիճակներով զբաղվող պետական պաշտոնյաները հայտարարել են, որ տուժած շրջաններում դպրոցները մինչեւ երկուշաբթի փակ կլինեն: Բնակիչներին նաեւ խնդրել են տնից աշխատել:
Comments