Անհնազանդության ակցիայի ժամանակ քաշքշոց ու ծեծկռտուք է սկսվել

«Հայրենիքի փրկության շարժման» կազմակերպած բողոքի անհնազանդության ակցիայի ժամանակ քիչ առաջ քաշքշոց ու ծեծկռտուք սկսվեց Բաղրամյան պողոտայի սկզբնամասում:

Ոստիկանները, որ միջադեպի պահին այդտեղ չէին, արագ հավաքվեցին, շղթա կազմեցին, որպեսզի ակցիայի մասնակիցները չհետապնդեն իրենց նկատմամբ բռնություն կիրառած սադրիչներին։

Ավելի վաղ Ազատության հրապարակում հանրահավաքի ժամանակ ՀՅԴ ԳՄ ներկայացուցիչ Իշխան Սաղաթելյանը հայտարարել էր. «Այսօրվանից սկսած Նիկոլը եւ Նիկոլի իշխանությունըօր ու արեւ չպետք է ունենա Հայաստանում: Այսօրվանից սկսում ենք նոն-ստոպ բողոքի զանգվածային ակցիաներ: Հիմա մենք բաժանվում ենք 4 ուղղությունների. Մեկ ուղությունը շարժվումէ դեպի Պրոսպեկտ-Ամիրյան, մյուսը շարժվում է Սայաթ Նովա-Ամիրյան: Երրորդ ուղղությունը՝ Բաղրամյան-Մոսկովյան, եւ հաջորդը՝ կինո «Նաիրիի» դիմաց: 4 ուղղություններով մենք կշարունակենք մեր անհնազանդության ակցիաները:

Քանի Նիկոլը կա, մեր երկրում կայունություն, խաղաղություն, հանգստություն չի լինելու: Սա մեկ գործողությամբ ակցիա չէ, պլանավորված, ծրագրավորված, համառ, հետեւողական գործողությունների արդյունքում հասնելու ենք այս իշխանության հեռացմանը»:

https://www.youtube.com/watch?v=gxm0HSX3sao&feature=emb_logo