ԱՄՆ-ում հազարավոր չվերթներ են չեղարկվել ձնամրրիկի պատճառով

ԱՄՆ-ում մոտ երեք հազար չվերթ է չեղարկվել Արեւելյան ափին ձնամրրիկի պատճառով, տեղեկացնում է CNN-ը։

Ձյան տարերքին ենթարկված շրջաններում ապրում է մոտ 74 մլն մարդ։ «Ավիագծերը կիրակի օրն արդեն չեղարկել են 2,8 հազար չվերթ հզոր ձնամրրիկի պատճառով, որը պետք է Արեւելյան ափ հասնի տոնական հանգստյան օրերին»,- ասվում է ալիքի հաղորդագրությունում։

Մոնիթորինգային ռեսուրսի տվյալներով՝ ԱՄՆ-ում հոսանքազրկվել է մոտ 200 հազար սպառող, տեղեկացվում է նաեւ Ֆլորիդայից կանադական սահման տանող մայրուղիների որոշ տեղամասերի փակ լինելու մասին։