ԱՄՆ-ն սպառնեցել է Իրանին
ԱՄՆ վարչակազմը պատրաստ է «ծանր հետեւանքներ» պարտադրել Իրանին, եթե նա փորձի ոտնձգություն կատարել ամերիկացի քաղաքացիների, այդ թվում՝ պաշտոնաթող պաշտոնյաների կյանքի նկատմամբ, չորեքշաբթի ասել է ԱՄՆ ազգային անվտանգության հարցերով խորհրդական Ջեյք Սալիվանը։ «Մենք դա ասել ենք եւ նորից կասենք. (Նախագահ) Ջո Բայդենի վարչակազմը չի հրաժարվի պաշտպանել բոլոր ամերիկացի քաղաքացիներին բռնության եւ ահաբեկչության սպառնալիքներից: Եթե Իրանը հարձակվի մեր քաղաքացիներից որեւէ մեկի վրա, այդ թվում՝ նրանց, ովքեր շարունակում են ծառայել Միացյալ Նահանգներին կամ ծառայել են նախկինում, ապա երկիրը ծանր հետեւանքների կբախվի», - ասվում է Սալիվանի գրավոր հայտարարության մեջ, որը հրապարակվել է Սպիտակ տան կողմից: ԱՄՆ իշխանությունների ներկայացուցիչն ընդգծել է, որ Վաշինգտոնը կշարունակի օգտագործել բոլոր ռեսուրսները՝ իր քաղաքացիներին պաշտպանելու համար։ Չորեքշաբթի ավելի վաղ ԱՄՆ իշխանությունները հեռակա կարգով մեղադրել էին Իսլամական հեղափոխության պահապանների կորպուսի անդամին Ջոն Բոլթոնի դեմ մահափորձի պլանավորման մեջ, ով հանրապետական Դոնալդ Թրամփի նախագահության օրոք նախագահի՝ ազգային անվտանգության հարցերով օգնականն էր։
