ԱՄՆ-ը պետք է դադարեցնի տնտեսական պատերազմը Իրանի հետ. Զարիֆ
ԱՄՆ-ը պետք է դադարեցնի Թեհրանի դեմ ապօրինի տնտեսական պատերազմը՝ որպես բանակցություններում ճնշման լծակ: Այս մասին իր բրիտանացի գործընկեր Դոմինիկ Ռաաբի հետ հեռախոսազրույցում ասել է Իրանի արտգործնախարար Մոհամմադ Ջավադ Զարիֆը, գրում է Tasnimnews-ը:
Նախարար Զարիֆը հայտարարել է, որ իրանական կողմը համաձայն է «ԳՀՀԾ-ի լիակատար պահպանումը վերսկսելու անհրաժեշտության հետ»: «Ընդգծվեց, որ ԱՄՆ-ը պետք է ամբողջությամբ վերադառնա իր պարտավորություններին եւ դադարեցնի Իրանի դեմ ապօրինի տնտեսական պատերազմը՝ որպես բանակցային «լծակ» օգտագործելը»,- ասել է Զարիֆը:
Իրանի արտգործնախարարը նաեւ հայտնել է, որ իր զրուցակցի հետ քննարկել է Թեհրանի ու Լոնդոնի հետ երկկողմ հարաբերությունները:
Գործողությունների համատեղ համապարփակ ծրագրի համատեղ հանձնաժողովը չորեքշաբթի երեկոյան հանդիպում է անցկացրել Ավստրիայի մայրաքաղաքում, որպեսզի գնահատի միջուկային գործարքի վերականգնմանն ուղղված բանակցությունների վերջին արդյունքները:
