ԱՀԿ-ն կանխատեսում է տկարամտությամբ տառապող հիվանդների թվի էական ավելացում

Մինչև 2050 թվականն աշխարհում տկարամտությամբ տառապող մարդկանց թիվը կավելանա՝ 55 միլիոնից դառնալով 139 միլիոն։ Նման տվյալներ են ներկայացված Առողջապահության համաշխարհային կազմակերպության զեկույցում։

ԱՀԿ գնահատականներով՝ դեմենցիայով է տառապում ավելի քան 55 մլն մարդ (65 տարեկանից բարձր կանանց 8,1%-ը, տղամարդկանց՝ 5,4%-ը)։ Սպասվում է, որ 2030 թվականին այդ ցուցանիշը կհասնի 78 միլիոնի, 2050 թվականին՝ 139 միլիոնի։ Այսպիսով՝ դեմենցիայով տառապող մարդկանց թիվը 2050 թվականին կավելանա 152 տոկոսով։

Դրա հետ կապված՝ ԱՀԿ-ում ակնկալում են նման ախտորոշմամբ մարդկանց պահելու համար անհրաժեշտ ծախսերի ռեկորդային մեծացում։ Եթե 2019 թվականին այդ նպատակով ծախսվել է 1․3 տրիլիոն դոլար, ապա, համաձայն զեկույցի հեղինակների կանխատեսման, 2030 թվականին այդ ցուցանիշը կկազմի 1․7 տրիլիոն, իսկ 2050-ին՝ 2․8 տրիլիոն դոլար։