Ալեքսեյ Նավալնին դուրս է եկել կոմայից

Ռուս ընդդիմադիր բլոգեր Ալեքսեյ Նավալնիին հանել են բժշկական կոմայից: Հիշեցնենք, որ նա կոմայի մեջ էր 19 օր շարունակ: Նաև անջատել են արհեստական շնչառության սարքերը, հայտնել են բեռլինյան Charite կլինիկայից:

«Բուժառուի իրավիճակը բարելավվել է, նա արձագանքում է խոսքային գրգիռներին, դեռևս շատ վաղ է նրա առողջությանը պատճառված երկարաժամկետ վնասների վերաբերյալ գնահատական տալու համար»,- ասվում է կլինիկայի տարածած հաղորդագրության մեջ:

Հիշեցնենք, որ օգոստոսի 20-ին հոսպիտալացված Նավալնիին թունավորել էին «Նովիչոկ»-ով: