YouTube-ը գովազդ կտեղադրի բոլոր տեսանյութերում, բայց ոչ բոլորի հետ կկիսվի շահույթով

Anews
May 23, 2021
1 min read

YouTube-ը հայտարարել է իր ծառայության պայմանների փոփոխության մասին, որոնց թվում աչքի է ընկնում այն, որ վիդեոպլատֆորմը կսկսի գովազդներ տեղադրել բոլոր աուդիովիզուալ նյութերում: Սակայն ընկերությունը շահույթը չի կիսելու այն օգտատերերի հետ, ովքեր բավականաչափ պոպուլյար չեն կամ չեն ձգտում շահույթ ստանալ իրենց քոնթենթից: Այս մասին հայտնում է Entrepreneur ամսագիրը:

Իր օգտատերեին ուղարկված հայտարարության մեջ պլատֆորմը պարզաբանել է. «YouTube-ն իրավունք ունի դրամայնացնելու պլատֆորմի ողջ քոնթենթը, եւ գովազդները կարող են հայտնվել YouTube-ի գործընկեր ծրագրի մաս չհանդսացող ալիքների տեսանյութերում»:

Դա թույլ չի տա քոնթենթի ոչ մեծ ստեղծողներին կամ նրանց, ով YouTube-ի Գործընկերների ծրագրի մաս չէ, այսինքն` ալիքներին, որոնք չեն համապատասխանում դիտումների քանակին եւ այլ պահանջներին, մուտքի հնարավորություն ունենալ գովազդի դրամայնացմանը, որն ընկերությունը տեղադրում է իր տեսանյութերում:

Ամսագիրը նշում է, որ գովազդի առկայությունը կարող է սահմանափակել սկսնակ վիդեո բլոգերների աճի հնարավորությունները, քանի որ նրանց համար ավելի է դժվար կդառնա անհրաժեշտ 1000 հետեւորդ եւ 4000 ժամ դիտում հավաքել իրենց ալիքներում եւ եկամուտ ստանալ գովազդից: