TikTok-ը գործարկում է նոր գործիք

TikTok-ը պաշտոնապես սկսել է «Nearby» բաժնի գործարկումը՝ թույլ տալով օգտատերերին տեսնել իրենց տեղակայման վայրին մոտ գտնվող հոլովակները։ Նոր գործիքակազմը այժմ հասանելի է Ֆրանսիայում, Գերմանիայում, Իտալիայում և Մեծ Բրիտանիայում, սակայն շուտով սպասվում է հասանելիություն մյուս տարածաշրջաններում ևս։

«Nearby» գործիքը ցույց է տալիս օգտատերերի կողմից հրապարակված տեսանյութերը՝ հիմնվելով նրանց գտնվելու վայրի, բովանդակության թեմայի և հրապարակման ժամանակի վրա։ Սա օգնում է բացահայտել տեղական միջոցառումներ, տեսարժան վայրեր, հյուրանոցներ, սննդի կետեր և այլ ծառայություններ։

TikTok-ը հայտարարում է, որ օգտատերերը կարող են կամավոր տրամադրել ավելի ճշգրիտ տեղադրության տվյալներ, որպեսզի համակարգը ցույց տա իրենց տարածաշրջանին առավել համապատասխան կոնտենտ։

Նոր ֆունկցիան կարող է մեծ նշանակություն ունենալ բիզնեսների համար, քանի որ տեղական կազմակերպությունները կարող են ավելի հեշտ հայտնվել մոտակայքում ապրող օգտատերերի էկրաններին։ Սրանով TikTok-ը դառնում է ոչ միայն ժամանցային հարթակ, այլ նաև տեղական որոնման կարևոր գործիք՝ հատկապես այն պայմաններում, երբ երիտասարդների 40%-ը Google-ի փոխարեն նախընտրում է տեղեկություն ստանալ TikTok–ից կամ Instagram–ից։

TikTok-ը «Nearby»-ը փորձարկում է դեռ 2022-ից՝ սկզբում Հարավարևելյան Ասիայում։ Ալգորիթմների կատարելագործումից հետո այն կդառնա տարածաշրջանային բացահայտումների նոր կարևոր գործիք։