Տիգրան Ուլիխանյանը ևս վայր է դնում մանդատը․ նա նոր պաշտոն կստանա. Armtimes.com
ԱԺ «Իմ քայլը» խմբակցության պատգամավոր Տիգրան Ուլիխանյանը առաջիկա օրերին վայր կդնի մանդատը։ «Հայկական ժամանակի» տեղեկություններով` նա նշանակվելու է Պետական վերահսկողական ծառայության պետի տեղակալ, ինչպես նաև պետի ժամանակավոր պաշտոնակատար։
Պատգամավորը «Հայկական ժամանակի» հետ զրույցում չցանկացավ մեկնաբանել մանդատը վայր դնելու և այլ պաշտոնի անցնելու մասին տեղեկությունները։
Ինչպես հայտնի է՝ ՊՎԾ պետը շարունակում է լինել Դավիթ Սանասարյանը, սակայն նրա լիազորությունները կասեցված են՝ քրեական գործով անցնելու պատճառով։
Պետական վերահսկողական ծառայության պետի տեղակալը և պետի պարտականությունները կատարողը Արգիշտի Քյարամյանն էր, սակայն նա էլ այս տարվա մայիսի 4-ին ազատվեց այդ պաշտոնից՝ նախ նշանակվելով Քննչական կոմիտեի նախագահի տեղակալ, ապա ԱԱԾ տնօրեն։
Այդ օրից սկսած ՊՎԾ-ն փաստացի ղեկավար չունի։
Մանրամասները՝ սկզբնաղբյուրում։
Comentários