Մեկ օրվա ընթացքում Ռուսաստանում կորոնավիրուսից ապաքինվել է 5754 մարդ
Ռուսաստանում վերջին մեկ օրվա ընթացքում կորոնավիրուսից լիարժեք ապաքինվել է 5754 մարդ: Այս մասին հայտնել է երկրում կորոնավիրուսի դեմ պայքարի հարցերով օպերատիվ շտաբը:
Ընդհանուր առմամբ՝ համավարակի մեկնարկից ի վեր Ռուսաստանում կորոնավիրուսից ապաքինվել է 895 868 պացիենտ: Մոսկվայում վերջին 24 ժամվա ընթացքում ապաքինվել է 1323, իսկ ամբողջ ընթացքում՝ 234 029 մարդ:
Վերջին 24 ժամվա ընթացքում Ռուսաստանում հայտնաբերվել է կորոնավիրուսի 5 762 նոր դեպք, 144 մարդ մահացել է:
Ամենամեծ թվով դեպքերը (730) արձանագրվել են Մոսկվայում:
Հիվանդության տարածվածության առումով երկրորդ տեղում Սանկտ Պետերբուրգն է (211), հետո Մերձմոսկվայի շրջանը (177):
