Մեկ օրվա ընթացքում Մոսկվայում հայտնաբերել են կորոնավիրուսով վարակման 1 792 նոր դեպք
Sep 26, 2020
1 min read
Մեկ օրվա ընթացքում Մոսկվայում հայտնաբերել են կորոնավիրուսով վարակման 1 792 նոր դեպք: Հունիսի 8-ից ի վեր սա առավելագույն ցուցանիշն է: Այս մասին հայտնել են COVID-19-ի դեմ պայքարի օպերատիվ շտաբից:
Այսպես, Մոսկվայում վարակակիրների թվի օրական աճը կազմել է 0,6%: Միաժամանակ 24 ժամվա ընթացքում հիվանդանոցներից դուրս է գրվել 1 123 մարդ, 17 պացիենտ մահացել է:
Աճել է նաև հոսպիտալացվածների թիվը: Մեկ օրվա ընթացքում մայրաքաղաքի հիվանդանոցներ է դիմել 830 մարդ: Մեկ օրվա ընթացքում կատարվել է ավելի քան 70 թեստավորում:
Միաժամանակ օպերատիվ շտաբից հայտնել են, որ չնայած հիվանդացության աճին, այս ցուցանիշը 3,7 անգամ քիչ է համավարակի պիկի համեմատ:
Comments