Եթե պատերազմն անխուսափելի է, Հայաստանը չպետք է պիտակավորվի որպես «մեղավոր» երկիր․ Արմեն Աշոտյան
Ալիևի հոխորտանքները, մեղադրանքներն ու սպառնալիքները անպատասխան մնալ չեն կարող։ Այս մասին ֆեյսբուքյան իր էջում գրել է ՀՀԿ փոխնախագահ Արմեն Աշոտյանը։ «Եվ խնդիրը միայն լեզվակռվում վրա մնալը չէ։
Այն շատ ավելի խորն է. եթե պատերազմն անխուսափելի է, ապա, ի հավելումն այլ բազմաթիվ խնդիրների, Հայաստանը չպետք է պիտակավորվի որպես «մեղավոր» երկիր։ Նիկոլին բզեք, որ սեպտեմբերի 21-ին, Հայաստանի անկախության օրվա ելույթում լրջագույնս հակադարձի Ալիևին։
Հ.Գ. Դե, Ալիևի «դուշանբեյան» բացահայտումները ինձ համար գաղտնիք չէին։ 2 տարի խոսում ենք այդ մասին։ Դրա պատասխանն էլ տալու Նիկոլը շուտով, բայց արդեն հայ ժողովրդին»,- գրել է նա։
Նշենք, որ երեկ Ադրբեջանի նախագահ Իլհամ Ալիևը հայտարարել է, որ բացասաբար է գնահատում Լեռնային Ղարաբաղի հակամարտության կարգավորման բանակցությունների ներկա վիճակը եւ կարծում է, որ դրանք իրականում դադարել են:
«Ես բացասական եմ գնահատում բանակցային գործընթացի ներկա վիճակը: Կարծում եմ՝ ադրբեջանցի ժողովուրդը լիովին համաձայն է ինձ հետ... Բանակցություններն իրականում չեն ընթանում»,- ասել է Ալիևը:
Ադրբեջանի ղեկավարի կարծիքով՝ Հայաստանի ղեկավարությունը խախտել է բանակցային գործընթացը։
Comments