Կրկին առկա են ուսուցչի օգնականները. Թամարա Թովմասյան

Գրքերի հեղինակ Թամարա Թովմասյանը Anews.am-ին հայտնել է հետևյալ գրքերի առկայության մասին: Գրքերի լուսանկարներին կից նա հանդես է եկել հրապարակմամբ. «Երբ ես իմ շուրջը տեսնում եմ, թե մարդիկ, չիմանալով ինչպես անցկացնել իրենց ազատ ժամանակը, փնտրում են ամենախղճուկ զբաղմունքներ ու զվարճություններ, իսկ նման դեպքերում ես վերցնում եմ մի գիրք և ինքս ինձ ասում ՝ միայն սա բավական է ամբողջ կյանքի համար: Բոլոր լավ գրքերը մի բանով նման են. երբ դուք կարդում վերջացնում եք գիրքը, ձեզ թվում է, թե այդ բոլորը պատահել է ձեզ հետ, և դա այդպես էլ ընդմիշտ մնում է ձեզ հետ՝ լավը, թե վատը, հրճվանքը, տրտմությունը և ափսոսանքը, մարդիկ և վայրերը, և թե ինչպիսին էր եղանակը։

Լավ գիրք կարդալով՝ առաջին անգամ մենք ճաշակում ենք այն նույն զգացումը՝ ինչ նոր ընկեր ձեռք բերելու ժամանակ։ Արդեն կարդացած գիրքը վերստին կարդալ՝ նշանակում է վերստին տեսնել հին ընկերոջը: Բնավ պետք չէ ամեն ինչ կարդալ, պետք է կարդալ միայն այն, որը պատասխանում է ձեր հոգում առաջացած հարցերին։ Գրքերը բարեկամներ են՝ անկիրք, բայց հավատարիմ։

Քանի որ գրքերը մեր լավագույն բարեկամներն են: Նրանց կարելի է դիմել կյանքի բոլոր դժվարին պահերին: Նրանք երբեք չեն դավաճանի։

Այն գրքերում, որոնցում ապրում է մեծ մարդկանց ոգիները, մենք դիմում ենք խորհրդի՝ մտքերից փարատվելու և սփոփանքի համար, ուրախության, վշտի, հարստության և աղքատության մեջ: Գիրքը լավն է, եթե հեղինակը նրանում արտահայտում է միայն այն, ինչ պետք է, և այնպես, ինչպես պետք է։

Ու մենք գիտենք, որ ճաշակը զարգանում է ոչ թե միջակ, այլ ամենակատարյալ նյութի վրա:

Ընթերցողները երբեմն գրքից կտրվում են առօրյա կյանքից. նրանցից և՜ ամենաքնքուշները,և՜ ամենանրբանակատները, և՜ ամենահասարակները, և՜ ամենամեծերը ենթարկվում են վրոի կախարդական թովչանքին։ Նրանում մի առանձնահատուկ հմայք կա. նման գրքերը մեր մեջ հաճույք են առաջացնում՝ նրանք խոսում են մեզ հետ, մեզ բարի խորհուրդ տալիս, նրանք մեզ համար դառնում են կենդանի բարեկամ ու խորհրդատու։

Ու հասկանում ես, որ անցյալ դարերի գրողների հետ զրուցելը գրեթե նույնն է, ինչ նրանց հետ ճանապարհորդելը։ Ո՞վ չգիտի, որ գիրքը միայնության ու վատ տրամադրության միակ անդավաճան ընկերն է: Ու հաստատ համոզված եղե՜ք, որ գրքային իմաստությունից հիմարը կրկնակի բթամիտ է դառնում, իսկ խելոքը... Ինքներդ դատեք»։