Ռուս դիվանագետները սկսել են լքել Ուկրաինան
Ռուսական դիվանագիտական առաքելության աշխատակիցները լքում են Ուկրաինան, «ՌԻԱ Նովոստի»-ին հայտնել է իրազեկ աղբյուրը։ «Ըստ Ուկրաինայի քաղաքացիների հայտարարությունների՝ Ուկրաինայում ռուս դիվանագետներն ու հյուպատոսական աշխատակիցները սկսել են մեկնել Ռուսաստան։ Այդ մասին են, մասնավորապես, վկայում հյուպատոսություններում եւ դեսպանատանն ընդունելությունների ժամանակ առաջացած դժվարությունները»,- ասել է նա։ Գործակալության զրուցակցի խոսքով՝ արեւմտյան որոշ երկրների կողմից պաշտոնապես հայտարարված տարհանման ֆոնին դա «հուշում է, որ Մոսկվան որոշել է գնալ նույն ճանապարհով»։ «Ի դեպ, Սերգեյ Լավրովն ակնարկել է նման սցենարի հավանականությունը Մեծ Բրիտանիայի արտգործնախարար Էլիզաբեթ Թրուսի հետ բանակցություններից հետո կայացած մամուլի ասուլիսի ժամանակ»,- հիշեցրել է նա։ Լավրով-Թրաս հանդիպումը կայացավ փետրվարի 10-ին։ Այդ ժամանակ ՌԴ ԱԳՆ ղեկավարը նշեց, որ Մոսկվան նայել է արեւմտյան երկրների գործողություններին եւ, հավանաբար, եւս խորհուրդ կտա Ռուսաստանի դիվանագիտական հաստատությունների ոչ հիմնական անձնակազմին տուն վերադառնալ:
Comments