39 գյուղեր ներառվել են սոցիալական աջակցություն ստացող համայնքների ցանկում. Մեսրոպ Առաքելյան
Կառավարության որոշմամբ՝ Գեղարքունիքի եւ Սյունիքի մարզերի 39 գյուղեր ներառվել են այն համայնքների ցանկի մեջ, որոնք պետությունից սոցիալական աջակցություն են ստանում. «Սահմանվել են հեռավորության որոշակի պահանջներ, կա որոշակի մեթոդաբանություն: Մի քանի համայնքների համար ստացվել են որոշակի առաջարկներ եւ բողոքներ»,- այս մասին փետրվարի 18-ին Կառավարության նիստից հետո լրագրողների հետ զրույցում ասաց աշխատանքի եւ սոցիալական հարցերի նախարար Մեսրոպ Առաքելյանը::
Լրագրողները հետաքրքրվեցին, թե ինչո՞ւ այդ ցանկի մեջ չեն մտել արդեն սահմանամերձ Խնձորեսկ եւ Քրահունջ գյուղերը: Լրատվամիջոցների ներկայացուցիչները, մասնավորապես, մտավախություն հայտնեցին, որ Հայաստանի իշխանությունները պատրաստվում են այս բնակավայրերը նույնպես փոխանցել ադրբեջանցիներին, եւ հենց այս պատճառով որոշվել է այնտեղ որեւէ ներդրում չիրականացնել: «Այդպիսի ծրագրեր չկան: Ես արդեն բացատրեցի, որ որոշակի չափորոշիչներ կան: Օրինակ՝ մեթոդիկայի համաձայն գյուղի սահմանամերձ կարգավիճակի սահմանումը որոշվում է սահմանից բնակելի տների հեռավորությունը պարզելու ճանապարհով, իսկ նշված համայնքների դեպքում դիտարկվել են հողամասերը»,- հավաստիացրեց նախարարը:
Comments