Search

Մեկնարկել են ծառերի սանիտարական էտման աշխատանքները



Երևանում մեկնարկել են ծառերի սանիտարական էտման աշխատանքները, որոնց շրջանակում կատարվում է չոր և հիվանդ, ինչպես նաև գերաճ ճյուղերի հեռացում: Աշխատանքները կնպաստեն ոչ միայն ծառերի դեկորատիվ տեսքի ապահովմանը, այլև դրանց կենսունակությանն ու տարբեր տեսակի հիվանդությունների կանխարգելմանը:

Սանիտարական էտի աշխատանքները վերահսկվում են Երևանի քաղաքապետարանի աշխատակազմի բնապահպանության վարչության, ինչպես նաև բազմաթիվ մասնագետների կողմից:

Բուսաբանական այգու փոխտնօրեն, անտառագետ, կենսաբանական գիտությունների թեկնածու Գագիկ Մովսիսյանը, կարևորելով նմանատիպ սանիտարական աշխատանքների պարբերաբար անցկացումը, նշել է, որ դրանց անտեսումը հետագայում կարող է հանգեցնել առավել մեծ խնդիրների:

«Ծառերի չորացած հատվածների վրա մեծ քանակությամբ միջատներ են հավաքվում, բազմաթիվ հիվանդություններ են առաջանում, ինչի արդյունքում ծառը դառնում է հիվանդությունների օջախ: Եթե համապատասխան միջոցներ ձեռք չառնվեն, հիվանդություններն ու վնասատուները կարող են տարածվել ամբողջ տարածքում»,- նշել է Գագիկ Մովսիսյանը:

Սանիտարական էտի աշխատանքները նախատեսված է ավարտել մինչև նոյեմբերի 1-ը, որից հետո կսկսվեն աշնանային էտման աշխատանքները:


Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia