Search

Ֆաբիան Պանիսելլո. «Երիտասարդական նվագախումբ բաց է նոր նախագծեր իրականացնելու և նորը վերցնելու հարցու



Հունիսի 28-ին Արամ Խաչատրյան համերգասրահում գեղեցիկ սիմֆոնիկ համերգ էր: Հայաստանի պետական երիտասարդական նվագախումբը ներկայացրեց Աարոն Կոպլենդի, Կլոդ Դեբյուսիի, Տակաշի Յոշիմացուի, Ֆաբիան Պանիսելլոյի, ստեղծագործությունները: Որպես մենակատարներ հանդես եկան Յարոսլավ Նադրզիցկին (ջութակ), Մարիա Նեմցովան (դաշնամուր), Վիտալի Վատուլիան (ալտ սաքսոֆոն), Բորիս Ալահվերդյանը (կլարնետ) և Խաչիկ Անդրեասյանը (դաշնամուր)։

Համերգի ընթացքում նվագախումբը ղեկավարեցին դիրիժորներ Սերգեյ Սմբատյանը և Ֆաբիան Պանիսելլոն: Պանիսելլոյի ղեկավարությամբ նվագախումբը կատարեց նրա իսկ ստեղծագործությունները՝ Ջութակի և Դաշնամուրի կոնցերտները, որոնք առաջին անգամ էին ներկայացվում հայ ունկնդրին։

Դիրիժոր, կոմպոզիտոր Ֆաբիան Պանիսելլոն նշեց, որ շատ հետաքրքիր է աշխատել Հայաստանի պետական երիտասարդական նվագախմբի հետ, որը բաց է նոր նախագծեր իրականացնելու և նորը վերցնելու հարցում։ Այդ իսկ պատճառով համագործակցությունը նվագախմբի հետ շատ արդյունավետ է ստացվում։

Նշենք, որ Ֆաբիան Պանիսելլոյի և հայտնի մենակատարների մասնակցությամբ երևանյան համերգը կազմակերպվել էր Հայաստանում Արգենտինայի դեսպանատան հետ գործընկերությամբ և Adam Mickiewicz Institute-ի աջակցությամբ:

ՀՀ-ում Արգենտինայի դեսպան Գոնզալո Ուրրիոլաբեիտիան համոզված է, որ նման համերգներն ամրապնդում են երկկողմ ընկերությունը: «Ներկայացնում ենք մի համերգ, որին ելույթ են ունենում հայ և արգենտինացի դիրիժորներ, ովքեր իրենց ելույթներով նշանավորում են երկու երկրների բարեկամական հարաբերությունները»,- իր խոսքում նշեց դեսպանը:

Արգենտինան ներկայացնող կոմպոզիտորը ժամանակակից ամենապահանջված ու հայտնի ստեղծագործողներից է։ Պանիսելլոյի գործերը ներկայացրել են աշխարհում հայտնի կոլեկտիվներ՝ Բեռլինի սիմֆոնիկ նվագախումբը, BBC սիմֆոնիկ նվագախումբը, Իսպանիայի ազգային և այլ նվագախմբեր ու անվանի արտիստներ։

Մենակատարներ Մարիա Նեմցովան, Վիտալի Վատուլիան և Բորիս Ալահվերդյանը Հայաստան էին ժամանել «Երաժշտություն խաղաղության համար» նախագծի շրջանակներում:


Խզված ձայնով հրետանավոր Մնացականը տանն է

ԱՀ նախագահը հանդիպել է անհայտ կորած և գերության մեջ հայտնված զինծառայողների հարազատների հետ

Վաղարշակ Հարությունյանն ընդունել է ՀՀ-ում ԱՄՆ դեսպան Լին Թրեյսիին

Զինծառայողների ապահովագրության հիմնադրամի հատուցման եղանակները և կենտրոնները Երևանում

Աշխատանքի և սոցիալական հարցերի նախարարն այցելել է վիրավոր զինվորներին

Բողոքի ակցիա իրականացնելիս բերման է ենթարկվել 33 քաղաքացի

Երկրաշարժ՝ Դմանիս քաղաքից 19 կմ հարավ-արևմուտք. ցնցումները զգացվել են Լոռու մարզում

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: