Search

19 երեխա ընդգրկված է «Երևանի քաղաքապետարանը՝ Երևանի մանուկներին» ծրագրի առաջին փուլում



Երևանի քաղաքապետարանի աջակցությամբ «Հայ մայրեր» հասարակական կազմակերպության հետ համատեղ իրականացվող «Երևանի քաղաքապետարանը՝ Երևանի մանուկներին» բարեգործական ծրագրի առաջին փուլում ընդգրկված է մանկական ուղեղային կաթված ունեցող և միայնակ մայրերի խնամքի տակ գտնվող 19 երեխա:

Ծրագրի շրջանակում «Երազի տուն» վերականգնողական և զարգացման կենտրոնում, հատուկ խնամքի կարիք ունեցող երեխաներն անցնում են համալիր թերապևտիկ կուրսեր՝ ֆիզիոթերապիա, կինեզիոթերապիա, ջրային թերապիա, արտ-թերապիա: Երեխաների հետ աշխատում են նաև լոգոպեդն ու հոգեբանը: Ի դեպ, այս տարի ծրագրով հոգեբանի խորհրդատվություն են ստանում նաև երեխաների ծնողները, բացի այդ մասնակցում տարբեր սեմինարների և դասընթացների:

«Երազի տուն» կատարած հերթական այցի ժամանակ Երևանի քաղաքապետարանի աշխատակազմի քարտուղարի տեղակալ Սամվել Մերթարջյանը ծանոթացել է կենտրոնի աշխատանքներին և գրանցված արդյունքներին, ընդգծել, որ Երևանի քաղաքապետարանը շարունակելու է կենտրոնին ցուցաբերվող աջակցությունը:

Ծնողներն իրենց հերթին նշել են, որ կենտրոնն իրենց համար դարձել է երազանքների իրականացման վայր և ուրախությամբ փաստել համալիր թերապևտիկ բուժման դրական ազդեցությունը երեխաների առողջական վիճակի վրա:

Երևանի քաղաքապետարան


Արմեն Սարգսյանը շնորհավորական ուղերձ է հղել Շվեյցարիայի նախագահ Գի Պարմելինին

Այլևս միայն նրանց պաշտելի առաջնորդը չի լինի պաշտպանված, նույն «ժողովրդից». Ավետիք Իշխանյան

Գրենլանդիայում անսովոր տաք ջերմաստիճանի պատճառով սառցե ծածկույցի զանգվածային հալոցք է տեղի ունենում

Ռոհանին ներողություն է խնդրել իրանցի ժողովրդից իր նախագահության օրոք թույլ տված սխալների համար

Աֆղանստանի հարավում «Թալիբան» շարժման առնվազն 50 զինյալ է սպանվել

Թրամփին կվերադարձվի 1 միլիոն դոլար Չիկագոյում երկնաքերի հարկերի դիմաց

Օգոստոսի 2-ին պաշտոնապես կստանձնեմ 8-րդ գումարման Ազգային ժողովի պատգամավորի պարտականությունները

ԼՐԱՀՈՍ
practice cover.png