Հրապարակվել է «Պատրաստված է Ամերիկայում» ֆիլմի առաջին թրեյլերը

Universal Pictures-ի Youtube-ի ալիքում հրապարակվել է American Made («Պատրաստված է Ամերիկայում») ֆիլմի առաջին թրեյլերը՝ 54-ամյա Թոմ Քրուզի գլխավոր դերակատարմամբ:

Ֆիլմի պրեմիերան, որում Թոմը մարմնավորում է մաքսանենգ եւ ԿՀՎ-ի գործակալ դարձած ամերիկյան օդաչուի, կայանալու է այս տարվա աշնանը:

Դագ Լայմանի թրիլլերի հիմքում իրական իրադարձություններ են, որոնք պատմում են օդաչու Բարի Սիլի կյանքի մասին: 1980-ականներին նա սկսել է զբաղվել թմրանյութերի մաքսանենգությամբ, իսկ հետո հավաքագրվել ԿՀՎ-ի կողմից, որպեսզի օգնի դիմակայել Կենտրոնական Ամերիկայում աճող կոմունիստական սպառնալիքին: