Մանչեսթերում պայթյունի հետեւանքով զոհերի թիվը հասել է 22-ի
Երեկ երեկոյան Մանչեսթեր քաղաքի մարզադաշտում տեղի ունեցած ահաբեկչության զոհերի թիվը հասել է 22-ի: Այդ մասին հայտնում է The Telegraph-ը՝ վկայակոչելով անգլիական քաղաքի ոստիկանությանը:
Ոստիկանության ղեկավար Յան Հոփքինսը նշել է, որ միայնակ ահաբեկիչը, որը մահացել է պայթյունի ժամանակ, կրել է ինքնաշեն պայթուցիկ սարք, որն էլ պայթեցրել է:
Ավելի վաղ հաղորդվել է, որ մայիսի 22-ի երեկոյան Մանչեսթերի մարզադաշտում, որտեղ ընթացել է ամերիկյան երգչուհի Արիանա Գրանդեի համերգը, տեղի է ունեցել պայթյուն՝ խլելով 19 մարդու կյանք ու վնասվածքներ հասցնելով 59 հոգու:
Միացյալ Թագավորության վարչապետ Թերեզա Մեյն իր ցավակցությունն է հայտնել երեկ երեկոյան Մանչեսթեր քաղաքի մարզադաշտում տեղի ունեցած պայթյունի հետևանքով զոհվածների հարազատներին՝ հավելելով, որ կատարվածը սարսափելի ահաբեկչական գործողություն է:
