Search

Չեխիայի առողջապահության նախարարության պատվիրակությունը Հայաստանում է



ՀՀ առողջապահության նախարարի հրավերով Հայաստանում գտնվող Չեխիայի Հանրապետության առողջապահության նախարարության պատվիրակության հետ հանդիպման ժամանակ Լևոն Ալթունյանը նախ շնորհակալություն է հայտնել Չեխիայիխորհրդարանի պատգամավորների պալատի կողմից Հայոց ցեղասպանությունը դատապարտող բանաձև ընդունելու կապակցությամբ։

Նախարարը նշել է, որ Հայաստանի առողջապահության ոլորտը բարեփոխելու նպատակով շուտով կյանքի կկոչվեն մի շարքշրջադարձային ծրագրեր։ Նախարարի տեղակալ Սամվել Մարգարյանը ներկայացրել է առողջապահության մեր համակարգում ֆինանսավորման, բնակչության սոցիալապես անապահով խմբերի համար պետության կողմից փոխհատուցվող ապահովագրական փաթեթների մշակման, գնագոյացման վերանայման և այլ ծրագրերի մասին։

Այնուհետև փոխնախարար Սերգեյ Խաչատրյանը չեխ գործընկերներին ծանոթացրել է առողջապահության ոլորտը կարգավորող օրենսդրական դաշտին, իսկ ՀՀ ԱՆ աշխատակազմի ղեկավար Նելսոն Զուլոյանը`կառավարության և Համաշխարհային բանկի ծրագրով մարզային ամբուլատորիաների և հիվանդանոցների կառուցման ու արդիականացման, բժիշկների վերապատրաստման, ոչ վարակիչ հիվանդությունների կանխարգելիչ ծրագրերի, էլեկտրոնային առողջապահական համակարգի ներդրման, օպտիմալացման, կլինիկական ուղեցույցների մշակման և այլ ծրագրերին։

Չեխիայի Հանրապետության առողջապահության փոխնախարարներ Ռադեկ Պոլիկարի և Թոմ Ֆիլիպի, նախարարի խորհրդական Յան Ռուժիչկայի հետ քննարկվել են փոխադարձաբար հետաքրքրող հարցեր։ Հյուրերը մանրամասն ներկայացրել են Չեխիայիառողջապահության համակարգը` ֆինանսավորման մեխանիզմները և սկզբունքները:

ՀՀ առողջանպահության նախարար Լևոն Ալթունյանը կարևորել է առողջապահության ոլորտում երկու երկրի համագործակցությունն առավել գործնական ու արդյունավետ դարձնելը։

Հանդիպմանը մասնակցել է նաև Հայաստանի Հանրապետությունում Չեխիայի Հանրապետության արտակարգ և լիազոր դեսպան Ն.Գ. Պետր Միկիսկան։

Ավելի ուշ Չեխիայի առողջապահության նախարարության ներկայացուցիչները մեր մասնագետներին մանրամասն ծանոթացրել են իրենց հանրապետությունումոլորտի ֆինանսավորման մեխանիզմներին, քննարկել Հայաստանում առակա բյուջետային միջոցներն առավել արդյունավետ օգտագործելու հնարավորությունները։


Ռուս զինվորականները մեկ օրում ոչնչացրել են 104 պայթուցիկներ

Մենք միշտ կլինենք ձեր կողքին, դուք մենակ չեք լինի. Յուրի Ջորկայեֆ

Ֆիզուլիի շրջանում հակատանկային ականի պայթյունի հետևանքով 4 ադրբեջանցի է զոհվել

«Երբ մեկը մի կարծիք է հայտնում, Սովետաշենի հաչող շների պես հարձակվում են վրան». Վարդան Պետրոսյան

Ամերիկահայերը բողոքի ակցիա են անցկացնում Նյու Յորքում՝ բողոքելով մշակութային ցեղասպանության դեմ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը

ՀՀ և Ադրբեջանի իշխանությունները ցանկություն են հայտնել` բանակցությունները շարունակել ԵԱՀԿ ՄԽ խմբում

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: