Նախագահը շնորհավորել է քրդական համայնքին՝ Նավրոզի տոնի առթիվ
Mar 21, 2017
1 min read
ՀՀ նախագահ Սերժ Սարգսյանը շնորհավորել է Հայաստանի քրդական համայնքին՝ Նավրոզի տոնի առթիվ։
Շնորհավորանքում ասվում է.
«Հայաստանի քրդական համայնքի հարգելի՛ ներկայացուցիչներ,
Ջերմորեն շնորհավորում եմ ձեզ Նավրոզի կապակցությամբ:
Գարնանային այս գեղեցիկ տոնը, բնության զարթոնքն ու նոր տարին ուրախությամբ են լցնում բոլորիս սրտերը: Հայաստանի քաղաքացիներն իրենց քուրդ եղբայրների եւ քույրերի հետ կիսում են Նավրոզի բերկրանքը:
Հարգելի՛ քուրդ հայրենակիցներ,
Կրկին շնորհավորելով այս պայծառ տոնի առթիվ՝ մաղթում եմ ձեզ բարձր տրամադրություն, եւ թող բացվող գարունը լավատեսությամբ ու երջանկությամբ լցնի ձեր կյանքը եւ ավելի ջերմացնի մեր դարավոր բարեկամությունը:
Շնորհավոր Նավրոզ»:
Comments