Search

Արցախի ԱԳ նախարարը Հունաստանի Նեա Զմիրնիի քաղաքապետի հետ քննարկել է երկկողմ համագործակցությունը



Աշխատանքային այցով Հունաստանի Հանրապետությունում գտնվող Արցախի Հանրապետության արտաքին գործերի նախարար Կարեն Միրզոյանը մարտի 14-ին այցելել է Աթենքի «Ճենազյան» եւ «Լեւոն եւ Սոֆյա Հակոբյան» հայկական վարժարաններ, որտեղ հանդիպել է ուսուցիչների եւ սաների հետ։

Նույն օրը ԱԳ նախարարն այցելել է Նեա Զմիրնիում գտնվող Հայոց ցեղասպանության զոհերի հուշարձան եւ հարգանքի տուրք մատուցել Եղեռնի զոհերի հիշատակին։

Արցախի արտաքին քաղաքական գերատեսչության ղեկավարը նաեւ հանդիպում է ունեցել Նեա Զմիրնիի քաղաքապետ Ստավրոս Ցուլակիսի հետ։ Վերջինս քաղաքապետարանի եւ անձամբ իր անունից աջակցություն է հայտնել Արցախի ժողովրդին։ Հանդիպմանը քննարկվել են Նեա Զմիրնիի հետ տարբեր ոլորտներում համագործակցության հնարավորություններն ու հեռանկարները։ Կարեն Միրզոյանը հրավիրել է Ստավրոս Ցուլակիսին այցելել Արցախ։

Կայացել է նաեւ ԱԳ նախարարի այցելությունը «Խաձիկիրյակո» բարեգործական հիմնադրամ։ Կարեն Միրզոյանը բարձր է գնահատել հիմնադրամի գործունեությունը, որի աջակցությամբ ավելի քան երկու տասնամյակ շարունակ կազմակերպվում են արցախցի երեխաների ճանաչողական այցեր դեպի Հունաստան։


ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից

Հոռոմ համայնքում 100 տոկոսով կլուծվի արտաքին լուսավորության խնդիրը

Ես «Հայաստան» դաշինքի հետ գնում եմ խորհրդարան, որ մեր երկրում օր առաջ փոխվի իշխանությունը. Նազարյան

211 ավտոբուսներն այսօր Լյաոչեն քաղաքի գործարանից ուղևորվեցին դեպի Շանհայի նավահանգիստ. Մարության

ԱՄՆ-ը նոր պատժամիջոցներ է մտցրել կուբացի պաշտոնյաների դեմ բողոքները ճնշելու համար

ՄԱԿ-ը դատապարտել է հարձակումը Աֆղանստանում կազմակերպության առաքելության համալիրի դեմ

Բայդենը մեկնաբանել է ՌԴ-ի հետ ռազմավարական կայունության շուրջ բանակցությունների արդյունքները

ԼՐԱՀՈՍ
practice cover.png