«Երկրում ստեղծված սոցիալ-քաղաքական ճգնաժամից ելք կա. դա «Ելք» դաշինքն է». Նիկոլ Փաշինյան
Mar 7, 2017
1 min read
Այսօր Երևանի Դավիթաշեն վարչական շրջանում «Ելք» դաշինքի շտաբից մեկնարկեց դաշինքի քարոզարշավը, որը վարում էր Նիկոլ Փաշինյանը: Քարոզարշավի ընթացքում բնակիչներին բաժանում էին սեղմագրեր, որտեղ ներկայացված էր դաշինքի ծրագրերը: Հանդիպման ընթացքում Նիկոլ Փաշինյանը դեմ արտահայտվեց ընտրակաշառքին և հույս հայտնեց , որ բնակչությունը ևս կհրաժարվի այդ երևույթից:
«Երկրում ստեղծված սոցիալ-քաղաքական ճգնաժամից ելք կա. դա «Ելք» դաշինքն է»,- ասաց ԱԺ պտգամավորը, ինչպես նաև հավելեց «Ելք»-ը ձեւավորվել է, որպեսզի քաղաքացիներին ընտրության հնարավորություն, այլընտրանք տա, որպեսզի «չասենք, որ փոփոխության հնարավորություն չկա»:
Հիշեցնենք նաև, որ «Ելք» դաշինքի կազմում ներառված են «Լուսավոր Հայաստան», «Հանրապետություն» եւ «Քաղաքացիական պայմանագիր» կուսակցությունները:
Comments